Soektog na slagoffers van aardbewing
2009-10-04 22:03
Jumanak – Swaar reënval het dit Sondag moeilik gemaak om na oorlewendes te soek in die berge van Wes-Indonesië waar honderde mense lewendig begrawe is nadat grondstortings daar plaasgevind het.
Die stortings is die gevolg van erge aardskuddings wat sowat vier dorpies uitgewis het.
Volgens owerhede is sowat 644 mense onder die grond begrawe en vermoedelik dood in die dorpie van Padang in die Pariaman-distrik op die weskus van Sumatra-eiland.
Nooddienswerkers is ook besig met reddingspogings in die hoofstad, Padang, waar sowat 900 000 mense woon nadat verskeie hoë geboue inmekaar getuimel het.
Die aardbewing is ewe erg in Pariamen gevoel, waar ‘n hele berg losgeskud is en verskeie grondstortings plaasgevind het. Honderde nooddienswerkers en ander vrywilligers het Sondag opgedaag om te help om die liggame van oorledenes onder die grond uit te grawe.
Vroue het stil gekyk hoe die lyke in geel plastieksakke toegedraai word.
Volgens adjunk-president, Jusuf Kalla, is daar min hoop dat enigiemand lewendig gevind sal word.
–Sapa