Sneeubalgeveg raak gewelddadig
2010-12-01 03:40
Berlyn – ‘n Spelerige sneeubalgeveg in Leipzig het in ‘n gewelddadige skermutseling, waarin meer as 500 mense betrokke was, ontaard toe klappers, bottels en klippe ook rondgegooi is, het die polisie Dinsdag gesê.
‘n Groep van 40 mense het Maandag saamgekom vir ‘n sneeubalgeveg, maar die speletjie het vinnig ander mense gelok en die polisie is later ingeroep om tussen beide te tree, het amptenare in ‘n verklaring gesê.
“Die swart-gekleede groep het nie net sneeu nie, maar ook klappers, bottels en klippe begin gooi,” het die verklaring gelees.
Meer as 500 mense het deelgeneem, in die pad van verkeer gekom en tot ‘n groot polisie-veldtog gelei.
“Beamptes het die hoofteikens geword en ‘n motorbestuurder, wat nie betrokke in die gevegte was nie, het ‘n slagoffer geword toe die groep sy ruit met ‘n bierbottel stukkend geslaan en sy arm beseer het.”
Twee polisiebeamptes is beseer en ‘n polisiemotor is beskadig voordat die groep opgebreek is.
Volg Nuus24 op Twitter
- Sapa - AFP