Slim werknemers fnuik rower se plan
2010-01-26 05:10
Zürich - Switserse polisie het ‘n rower se poging om die nasionale skatkamer van Zurich te besteel, gefnuik deur hom bloot in die voorportaal toe te sluit.
Volgens die polisie het ‘n man Maandag by die hoofgebou van die stad se skatkamer ingestap en geld geëis.
Hy het die werknemers gedreig en het skynbaar ‘n vuurwapen by hom gehad.
Wat hy nie geweet het nie, was dat die werknemers agter die toonbank deur koeëlvaste glas van die saal afgesluit is.
Een van die werknemers het ‘n knoppie gedruk om die enigste uitgang te sluit terwyl die res van die personeel na ‘n agterste kamer beweeg het om die polisie te bel.
Die man het homself sonder struweling aan die polisie oorgegee.
- Sapa