Skrywer sê IMF-hoof het haar óók aangerand

2011-05-16 18:07

Parys – ‘n Franse vrou beweer dat Dominique Strauss-Kahn, besturende direkteur van die Internasionale Monetêre Fonds (IMF), haar nege jaar gelede seksueel aangerand het.

David Koubbi, ‘n prokureur, sê die skrywer Tristane Banon wil ‘n wettige klag teen die IMF-hoof lê.

Koubbi sê Banon het nie Strauss-Kahn aanvanklik aangekla nie as gevolg van die “spanning” wat sy deur die beweerde aanranding in 2002 ervaar het.

Banon se ma het haar ook glo aangemoedig om nie die klag teen Strauss-Kahn te lê nie.

Strauss-Kahn is Sondagaand in hegtenis geneem weens die beweerde seksuele aanranding van ’n skoonmaker by ’n New Yorkse hotel.

Volg Nuus24 op Twitter.
 

- Sapa - AP