Skopbokser aangekla ná moord op marinier

2012-12-27 12:15

Bangkok – 'n Britse skopbokser wat aan Thailand uitgelewer is, kan die doodstraf opgelê word nadat hy aangekla is van die moord op 'n Amerikaner, het 'n beampte Donderdag gesê.

Staatsaanklaers beweer Lee Aldhouse het die 23-jarige marinier Dashawn Longfellow ná 'n kroeggeveg in 2010 in Phuket doodgesteek.

Aldhouse, wat in Phuket as The Pitbull bekend is, het ná die voorval na die Verenigde Koninkryk gevlug en is vandeesmaand aan Thailand uitgelewer. Hy is die eerste Britse verdagte wat aan die land uitgelewer is.

"Hy is gister [Woensdag] aangekla weens die moord op die man," het 'n hofbeampte gesê.

Aldhouse is in aanhouding en sal op 18 Februarie aanstaande jaar in die hof verskyn.

Indien hy skuldig bevind word kan hy die doodstraf op lewenslange tronkstraf opgelê word.

Albei mans is vermoedelik opgelei in Muay Thai – 'n vorm van skopboks. Aldhouse was 28 jaar oud ten tyde van die moord.

Longfellow was in Phuket nadat hy in Afganistan beseer is.

– Volg Nuus24 op Twitter

- AFP