Skool moet hoes ná leerders op vloer eet
2012-08-15 08:30
New Jersey – Sewe leerders van 'n skool in Camden, New Jersey, wat twee weke lank hul middagete op die grond moes eet, is as deel van 'n regskikking elk $500 000 (sowat R4 miljoen) betaal, het hul prokureur Dinsdag gesê.
Die leerders, wat in 2008 in gr. 5 was by die Charles Sumner Elementary School, is gedissiplineer nadat 'n kind per ongeluk water gemors het toe hy 'n beker wou oplig, het Alan Schorr, die prokureur, gesê.
Volgens die prokureur is 'n eis teen die onderwysraad van Camden ingedien.
Schorr het gesê die voorval het plaasgevind te midde van onmin tussen die swart en Spaanse bevolkings in die suidelike stad van New Jersey. Die kinders is Spaans.
Die prokureur het gesê die adjunkhoof, wat swart was, het al 15 kinders in 'n gestraf en hulle gedwing om van stukke papier, wat gewoonlik op skinkborde gesit word, te eet. Slegs sewe van dié kinders het die onderwysraad gedagvaar.
"Die Afro-Amerikaanse kinders het met skinkborde by die tafels geëet en die Spaanse kinders, wat op die grond moes eet, gespot," het Schorr gesê.
Die adjunkhoof is intussen verplaas.
Die kinders se onderwyser is in die pad gesteek nadat hy hulle aangemoedig het om hul ouers van die straf te vertel. Dié onderwyser het ná 'n skikkingsooreenkoms $75 000 (sowat R613 000) ontvang.
Nie die skool of hul prokureurs kon vir kommentaar bereik word nie.
– Volg Nuus24 op Twitter
- Reuters
