Skool beboet wat seun met MIV weier
2012-09-13 12:57
Washington – Die Amerikaanse regering het ‘n privaatskool beboet nadat hy geweier het om ‘n 13-jarige met MIV te aanvaar, het die departement van justisie gesê.
Die departement sê die skool het ‘n federale en teen-diskriminasie-wet oortree.
Die skool in Pennsilvanië, wat sy fondse deur liefdadigheid ontvang, sê hy het die prosessering van Abraham Smith se aansoek gestaak toe hy uitgevind het Smith het die virus wat vigs veroorsaak, het ‘n kopie van die skikking wat Woensdag uitgereik is gelui.
Die skool, wat gemik is op minderbevoorregte kinders tussen die ouderdomme van vier en 17, sê die besluit is die gevolg van ‘n “analise van potensiële risiko’s aan ander studente en die wetlike regte van Abraham Smith of ander aansoekers met MIV.”
Die departement sê dat alhoewel die skool “nie met kwaadwilligheid of opset opgetree het” teenoor Smith nie, kon hy nie bewys hoe Smith of enige ander MIV-positiewe student ander in gevaar kan stel nie.
Die regering het tot die slotsom gekom dat die skool $700 000 (R5,8 miljoen) aan die Smith-familie moet betaal, sowel as ‘n ekstra $15 000 (R124 824) se boetes.
As deel van die skikking het die regering onderneem om nie regstappe te neem teen die skool nie en die skool het onderneem om nie mense met gestremdhede, insluitend MIV, uit te sluit nie, het die departement gesê.
– Volg Nuus24 op Twitter
- Sapa - AFP
