Skok na aanval op gay-sentrum

2009-08-02 18:21

Nir Katz het tydens die voorval gesterf. (AFP)

Tel Aviv- Die gay gemeenskap van Israel is in skok nadat ‘n gewapende man twee jonges by ‘n gay- en lesbiër-gemeenskapsentrum doodgeskiet het.

Die man, wat ‘n swart masker aangehad het, het Saterdagaand op die sentrum in Tel Aviv toegesak en die lewens van twee jonges geneem.

Volgens lede van Israel se gay gemeenskap is hulle “kwaad” en leef hulle nou in “vrees”.

Die gemaskerde man is nog nie deur die plaaslike polisie opgespoor nie.

Die kenmerkende gestreepde vlag van die gay gemeenskap sowel as blomme is Sondag voor die sentrum se deure neergesit.

Binne die sentrum was die stoele en tafels steeds omgekeer op die bloedbevlekte vloer.

‘n Tiener meisie en 24-jarige man het op die toneel gesterf. Sowat 15 persone is ook in die voorval gewond.

Dié aanval word beskryf as een van die ergste van sy soort tot op hede in Israel.

- AFP