Skip vlug van seerowers
2009-09-04 16:22
Madrid – ‘n Spaanse skip het met die gebruik van radar en vinnige denke nouliks ‘n vermeende seerower-aanval naby Somalië ontsnap.
Die Alakrana tunaskip het klaarblyklik die 31ste Augustus van die Seychelles se hoofstad, Victoria, af geseil om te gaan visvang.
Omtrent 970km van die Somaliese kus het die bemanning ‘n spikkel wat reguit op hulle afpyl, op die radar gesien.
Hulle het toe besluit om in z-formaat te seil om die aankomende skip te vermy.
Seerowery het meer as verdubbel in die eerste helfte van 2009, met die meerderheid voorvalle wat in die Golf van Aden en naby die Somaliese kus plaasvind.
- Sapa-AP