Skandaal tref opposisie in Italië
2009-10-24 21:02
Rome - 'n Skandaal het die hoofopposisieparty in Italië getref nadat dit aan die lig gekom het dat die leier van Italië se Demokratiese Party in die geselskap van 'n transseksueel gesien is.
'n Video-opname wat glo die ronde doen, wys Piero Marrazzo in die geselskap van 'n transseksueel in 'n woonstel in Rome.
Vier polisiemanne is intussen in hegtenis geneem nadat hulle die 51-jarige Marrazzo wou afpers.
'n Ondersoek is aan die gang.
Niemand het nog dié video gesien nie en bestaan van dié video kan ook nie bevestig word nie.
Marrazzo het aan die La Repubblica gesê die video is "vals" en dat hy die slagoffer van 'n smeerveldtog is.
– Sapa-AP