Siriese slagting: Meeste slagoffers is rebelle
2012-07-13 19:34
Video - Nóg 'n Siriese slagting
Nóg 78 mense is in 'n slagting in Sirië se sentrale provinsie van Hama om die lewe gebring, het aktiviste gesê. Lees hier meer.
KYK
Beirut – Die meeste mense wat in die Treimsa-slagting in Sirië dood is, was rebellevegters gewees, het 'n aktivis gesê.
Die bloedbad het plaasgevind nadat Siriese rebelle ’n weermagkonvooi aangeval het," het Jaafar, ’n teenregeringsaktivis aan AFP gesê.
“Ons weet nog nie wat die finale dodetal is nie, maar ons glo dat die aantal burgerlikes wat dood is as gevolg van die bombardering, nie meer as sewe is nie. Die res van die mense wat dood is, is almal lede van die Free Syrian Army (FSA)."
Hy sê dat ’n weermagkonvooi op pad was na ’n streek in die Hama-provinsie toe dit deur die FSA aangeval is. Die weermag het daarna ’n teenaanval geloods met die hulp van versterkings wat deur pro-regeringsmagte vanaf die nabygeleë dorp, Alawite, gestuur is.
“Die FSA was in staat om vir ’n uur lank teen die aanval uit te hou, maar is kort daarna verslaan,” het Jafaar gesê.
Die Brits-gebaseerde Siriese Waarnemers vir Menseregte sê dat “tientalle rebellevegters” dood is en dat slegs 40 van die 150 mense wat in die aanval dood is, geïdentifiseer kon word.
Ongeveer 30 lyke is verkool terwyl 18 van die slagoffers oënskynlik tereggestel is.
Volg Nuus24 op Twitter.
