Siriese rebelle val lugmagbasis binne

2013-01-11 14:36

Beiroet – Siriese rebelle het Vrydagoggend beheer oorgeneem van die Taftanaz-lugmagbasis, die grootste basis in die noorde van die land.

Dit volg ná ‘n week se gevegte in die gebied, het die Siriese Waarnemers vir Menseregte gesê.

“Die gevegte by die Taftanaz-lugmagbasis het Vrydagoggend geëindig en die basis is nou in die rebelle se hande,” het Rami Abdel Rahman, hoof van die menseregtegroep, gesê.

“Baie van die regime se soldate is dood,” het hy bygevoeg.

Volgens die Verenigde Nasies is meer as 60 000 mense al dood in die opstande, wat in Maart 2011 begin het.

– Volg Nuus24 op Twitter
 

- Sapa - AFP