Siriese rebelle teiken lugmagbasis

2012-11-03 13:03

Damaskus – Siriese rebelle het Saterdag 'n groot aanval op 'n noordelike lugmagbasis uitgevoer van waar die regering sy lugaanvalle loods.

Die aanval op die Taftanaz-basis volg ná die regime van pres. Bashar al-Assad dié week 'n rits swaar lugaanvalle op rebellevestings uitgevoer het.

'n Video wat op die internet gelaai is beweer agt bataljonne neem aan die aanval deel, insluitend vegters van die radikale Islamitiese Al-Nusra-front.

Die video het ook gewys hoe missiele op posisies van die regime afgevuur word.

Die Siriese Waarnemers vir Menseregte, 'n Brits-gebaseerde menseregtewaghond, het gesê "swaar gevegte" het naby die basis in die Idlib-provinsie uitgebreek.

– Volg Nuus24 op Twitter.

- Sapa - AFP