Sikloon pyl op Australië af
2010-03-20 14:01
Sydney – Australiese owerhede het Saterdag ‘n bevel goedgekeur wat inwoners verplig om hulle huise te ontruim weens ‘n tropiese sikloon wat op pad is.
Die sikloon pyl glo op die Groot Koraalrif af en kan sterker word soos dit nader kom.
Die Queensland-staatsregering het ‘n ramp-aankondiging uitgereik vir die areas wat in die pad van die tropiese sikloon Ului is wat Australië se gewilde noordoostelike kus sal tref.
“Sommige eiendom sal moontlik in die volgende paar ure ontruim word soos Ului die kus benader,” het Anna Bligh, staatspremier, gesê.
Ului was teen Saterdagoggend (SA-tyd) sowat 365 km vanaf die Australiese kus en sal die vasteland glo voor Sondag tref.
“As die sikloon teen volspoed tref sal dit ‘n kragtige kategorie drie-sikloon wees, dit kan heelwat verwoesting aan die kus veroorsaak,” het Jim Davidson, senior meteoroloog, gesê.
– Sapa, AFP