Siekte breek uit in Sirië

2013-02-19 17:10

Genève – Dele van Sirië wat onder die beheer van rebelle is, is deur ‘n uitbraak van ingewandskoors getref nadat kragonderbrekings die voorsiening van water beïnvloed het, het die VN se gesondheidsagentskap Dinsdag gewaarsku.

Die gevolg is dat mense water van die Eufraatrivier moet kry.

Tarik Jasarevic, woordvoerder vir die Wêreldgesondheidsorganisasie, het aan AFP gesê dat sowat 2 500 mense in die noordooste van die land deur die siekte besmet is.

“Hulle het nie toegang tot skoon water of elektrisiteit om hul pompe te laat werk nie, so hulle trek water uit die rivier,” het hy gesê.

Internasionale hulpagentskappe se werk in Sirië word ook hierdeur beperk.

“Ons werk saam met plaaslike groepe om behandeling te verskaf,” het Jasarevic gesê.

– Volg Nuus24 op Twitter
 

- Sapa - AFP