Sewejarige red familie van aanvallers
2010-03-10 10:08
Norwalk-’n Sewejarige seun het ’n noodoproep na die polisie gemaak toe sy ouers deur drie rowers in hul huis in Kalifornië aangeval is.
Die seun het vroeg Dinsdagoggend die oproep vanuit sy huis na die polisie gemaak nadat die gewapende mans by die huis ingebreek het.
Hy het saam met sy jonger sussie in ‘n geslote badkamer weggekruip terwyl die aanvallers sy ouers met hul vuurwapens gedreig het.
Hy het die operateur gesmeek om vinnig die polisie te stuur. "Baie van hulle. En soldate ook,” is op die klankopname van die oproep gehoor.
Toe die verdagtes deur die badkamer gebreek en die seun gegryp het, het hy op hulle geskree en gesê hy het die polisie gebel.
Die verdagtes het gevlug sonder om enigiets te vat.
Kapt. Pat Maxwell het gesê die seun se brawe dade het gehelp om ‘n tragedie te voorkom.
Die drie mans is steeds soek.
- Sapa-AFP