Sewe vermeende Taliban-lede vas
2009-11-12 16:19
Karachi, Pakistan – Polisie in Pakistan het Donderdag sewe vermeende Taliban millitante, wat daarvan beskuldig word dat hulle selfmoordaanvalle in die land se finansiële hoofstad Karachi beplan het, in hegtenis geneem.
“Ons het sewe mans in hegtenis geneem en vier baadjies gevul met plofstof en die toestelle om dit te detoneer gevind,” het die hoof van polisie, Waseem Ahmed, by ‘n nuuskonferensie gesê.
;n Groot hoeveelheid plofstof is ook in die klopjag Donderdag gevind, het hy bygevoeg.
“Ons het beslag gelê op 300kg, wat hulle wou gebruik om ‘n gevaarlike vragmotorbom mee te maak om belangrike instellings en geboue van die polisie en sekuriteitsmagte mee aan te val, soos wat hulle in ander dele van Pakistan gedoen het.”
Sekuriteitsdienste is skaam oor ‘n onlangse toename in selfmoordbomaanvalle in dele van die noordweste en rondom die hoofstad Islamabad . Amptenare het ontken dat magte meer kan doen om aanvalle te voorkom.
“Die terroriste wat in hegtenis geneem is, is van Suid-Waziristan en het weggehardloop om die millitêre veldtog te vermy,” het Ahmed gesê.
Een van die sewe wat ingeneem is was as ‘n selfmoordbomaanvaller opgelei en die groep se leier was ‘n kenner in die maak van selfmoordbaadjies en die opleiding van jong mans vir selfmoordaanvalle, het Ahmed gesê.
- Sapa-AFP