Sewe vas oor anti-gay aanvalle
2010-10-29 12:14
New York – 'n Tiener en twee mans word daarvan beskuldig dat hulle betrokke was in anti-gay aanvalle in New York vroeër vandeesmaand.
Die trio staan tereg op aanklagte van bende-aanranding, roof en seksuele mishandeling.
Vier ander mense is reeds in verband met die saak in hegtenis geneem en sal na verwagting op 23 November weer in die hof verskyn.
Owerhede het gesê 'n groep mans wat hulself die Latin King Goonies noem het uitgevind een van hul tienerrekrute is gay.
Staatsaanklaers het gesê die groep het die tiener aangeval en toe 'n 30-jarige man, wat glo seks gehad het met die tiener, aangeval.
Twee ander mense is ook aangeval.
Aanklagte teen vier ander jong mans wat in verband met die aanvalle in hegtenis geneem is, is vandeesweek laat vaar.
Volg Nuus24 op Twitter
- AP