Sewe vas ná hul glo babas verkoop
2010-07-15 12:13
Kuala Lumpur – Polisie het vier kinders gered en sewe mense in hegtenis geneem nadat hulle vermoedelik deel van ‘n sindikaat was wat met babas in Maleisië handel, het ‘n nuusberig Donderdag gesê.
Die vier kinders, tussen die ouderdom van 23 dae en twee jaar, is gered nadat twee huise Maandag en Woensdag ondersoek is, het The Star berig.
Volgens Huzir Mohamed, hoof van die polisie se departement van ondersoeke in Sarawak, het al die kinders geldige geboortesertifikate gehad.
Die polisie beplan om vas te stel of die mense in aanhouding die kinders se biologiese ouers is, het Huzir gesê.
Volgens Huzir lyk die kinders (twee seuns en twee meisies) se gesondheid goed.
Volgens die polisie sal die verdagtes vir mensehandel ondersoek word.
Indien hulle skuldig bevind word, kan hulle tronkstraf van 20 jaar verwag.
Volg Nuus24 op Twitter.
- SAPA