Sewe sterf toe fietsbom ontplof
2010-02-23 10:13
Kandahar, Afganistan – Sewe mense is dood nadat ‘n bom wat aan ‘n fiets vasgemaak is in Helmand in die suidelike provinsie van Afganistan ontplof het, het ‘n provinsiale amptenaar gesê.
Die aanval het in die hoofstad van Helmand, Lashkar Gah, plaasgevind waar Amerikaanse, Navo en Afgaanse soldate ‘n reuse-aanval teen Taliban-millitante geloods het.
“Plofstof wat aan ‘n fiets vasgemaak is het Dinsdag in Lashkar Gah ontplof,” het Daud Ahmadi, ‘n woordvoerder vir die goewerneur van Helmand, gesê.
“Sewe burgerlikes is in die ontploffing dood en 14 ander is beseer,” het Ahmadi gesê.
Die fiets met die plofstof was glo naby ‘n besige busterminaal, wat die dorp met Kandahar en ‘n verkeersdepartement van die regering verbind, geplaas, het Assadullah Shairzad, die provinsiale polisiehoof van Helmand, gesê.
“Ons weet nie wie of wat die teiken was nie,” het hy bygevoeg.
- Sapa-AFP