Seuntjie vind pypbomme in sandput
2011-06-20 22:57
Berlyn – ‘n Vyfjarige seun in Duitsland het twee
tuisgemaakte pypbomme op ‘n speelgrond opgetel, maar gelukkig niks
oorgekom nie.
Die polisie het reeds drie mans in hegtenis
geneem wat erken het dat hulle die pypbomme daar gelos het.
Volgens die staatspolisie in Bavaria het die
seun en sy pa toevallig die bomme in ‘n sandput op die speelgrond in Fuerstenfeldbruck
uitgegrawe.
Die pa het die bomme by die polisie ingehandig
en terselfdertyd gerapporteer dat hy ‘n harde knal die vorige aand naby die
speelgrond gehoor het.
Hy het blykbaar kort ná hy die knal gehoor het, twee
mans in ‘n motor sien klim en wegry.
Die pa het die nommerplaat van die motor
neergeskryf en die polisie het daarin geslaag om die mans vas te trek.
Die mans, al drie tussen die ouderdom van 19
en 20 jaar, het erken dat hulle die pypbomme gemaak het deur oorskiet vuurwerke te gebruik.
Volg Nuus24 op Twitter.
- Sapa - AFP