Seuns in hokgeveg maak opslae
2011-09-22 16:55
Londen – Beeldmateriaal van twee jong seuns wat
aan ‘n georganiseerde hokgeveg (cage fight) deelneem, het Britte met gemengde gevoelens
gelaat.
Die een seun is agt en die ander nege jaar
oud.
Die polisie het ‘n ondersoek geloods nadat ‘n
video van die geveg by Greenlands Labour Clinic in Preston, in die noordweste
van Engeland, aan die lig gekom het.
Die video, wat op die internet gepubliseer
is, wys hoe die twee seuns in ‘n hok stoei terwyl ‘n skare volwassenes
toekyk.
Nie een van hulle dra beskermende drag nie en een van die seuns het in die middel van die geveg in trane uitgebars.
Mediese personeel was egter vinnig aan sy sy om seker te maak of hy wil aangaan met die geveg of nie.
Die Britse minister van sport, Jeremy Hunt,
het die beelde as “barbaars” beskryf.
Die bestuurder van die klub, Michelle
Anderson, het egter gesê dat die seuns glad nie in gevaar was nie.
Die polisie het gesê dat hulle nie van plan is
om ‘n klag te lê teen die organiseerders nie.
Kyk hier na die beeldmateriaal.
Volg Nuus24 op Twitter.
- AP