Seun dagvaar staat omdat hy ongeletterd is
2011-03-08 15:35
Sydney – ‘n Australiese seun dagvaar die regering aangesien hy glo steeds ongeletterd en ongesyferd is ten spyte daarvan dat hy by ‘n skool geleer is, het beamptes Dinsdag bevestig.
Die staat se departement van onderwys verdedig die 15-jarige seun se bewering nadat inligting oor die saak deur die openbare uitsaaier ABC bekend gemaak is.
Dié seun van Melbourne se identiteit mag nie genoem word nie.
Die leerling se regsverteenwoordigers het in die hof gesê hul kliënt se toekoms is “twyfelagtig” en hoogs “benadeel.”
Die prokureurs het aangevoer dat die staatsregerings onderrig van ‘n “wêreldklas” vir leerlinge belowe, maar dat die seun by die skool geboelie en ongeletterd en ongesyferd gelaat is.
Die Melbourne-hof het aangehoor dat die seun die geletterdheid van ‘n sesjarige in sy eerste jaar van hoërskool gehad het, het ABC gesê.
Die seun ly aan ‘n taalwanorde, aandagafleibaarheid-gebreksindroom, angs en ‘n algemene leerwanorde. Hy is egter te intelligent om ‘n skool vir spesiale behoeftes by te woon, het die hof gehoor.
Volg Nuus24 op Twitter.
- Sapa - AFP