Seun (13) erken hy het maat geskiet
2010-10-26 12:10
Auckland, Nieu-Seeland - 'n 13-jarige seun van Nieu-Seeland het skuld beken op aanklag van manslag en een van die land se jongste misdadigers geword.
Die seun was 12 toe hy in Julie verlede jaar sy 11-jarige vriend met 'n semi-outomatiese geweer geskiet het.
Hy is aanvanklik van moord aangekla.
Dié aanklag is verander nadat polisiekenners gesê het hulle kan nie die moontlikheid uitsluit dat die vuurwapen per ongeluk afgegaan het nie.
Die kinders het gestry oor wie 'n mes moet saamneem op 'n jagtog toe die skoot afgegaan het. Die 11-jarige seun is op slag dood.
Die pa van die 13-jarige seun het ook skuldig gepleit op aanklag van regsverydeling nadat hy erken het dat hy probeer het om sy seun te beskerm.
Die twee sal na verwagting op 7 Desember gevonnis word.
Lees meer hier
Volg Nuus24 op Twitter