Setel van Britse parlement dalk tydelik verskuif

2012-09-13 22:13

Londen – Senior wetgewers sê Brittanje se parlement kan dalk tydelik sy tuiste verlaat sodat grootskaalse herstelwerk gedoen kan word.

Dis moontlik dat Londen se Olimpiese Park as alternatiewe huisvesting kan dien.

John Thurso, ‘n kommissielid, het Donderdag gesê dat Westminster, setel van Brittanje se parlement, grootskaalse herstelwerk nodig het vir die verwydering van asbes, algemene opknappings en opgraderings aan elektriese stelsels en watertoevoernetwerke.

As wetgewers besluit om Westminster tydelik te sluit, kan opknappings sowat twee tot drie jaar duur.

Thurso het egter bygevoeg dat dit ook 'n opsie is om hertselwerk net in vakansietye te doen, wat 'n volle 10 jaar kan neem.

Meg Hillier, ‘n wetgewer vir die Arbeidersparty, het die parlemenet aangeraai om Westminster vir eers vir die mediasentrum by Londen se Olimpiese Park te verruil.
 
– Volg Nuus24 op Twitter

- Sapa - AFP