Ses weke tronk toe oor hy Marbles verloor
2011-08-02 22:47
Johannesburg– Die man wat 'n bord vol skeerroom na die voorsitter van News Corp, Rupert Murdoch, geslinger het, is vir ses weke lank tronk toe gestuur.
Die 26-jarige Jonathan May-Bowles, as komediant bekend as Johnny Marbles, het erken hy het die mediamagnaat verlede maand in Londen tydens 'n parlementêre sitting oor die meeluisterskandaal aangeval.
May-Bowles het erken dat hy skuldig is aan aanranding en 'n verleentheid veroorsaak het.
Murdoch en sy seun, James, het verlede maand voor die parlement getuig toe May-Bowles met 'n papierbord vol skeerroom van die openbare galery af op hulle afgestorm het.
– RSG
– Volg Nuus24 op Twitter.