Ses beseer in skietery in LA

2011-07-04 15:00

Los Angeles – Owerhede sê ses mense is gewond in ‘n skietvoorval in die suide van Los Angeles.

Volgens lt. Sergio Mancilla het die skietery vroeg Maandagoggend omstreeks 00:30 by ‘n woning in die Lennox-gebied van die stad plaasgevind.

Mancilla het aan die nuusagentskap AP vertel dat ses mense by ‘n hospitaal in die stad behandel en gestabiliseer is. Niemand het lewensgevaarlike beserings opgedoen nie.

Owerhede sê hulle is op soek na ‘n gewapende man wat ‘n donkerkleurige voertuig bestuur.

Volgens Mancilla het ondersoekbeamptes nog nie vasgestel wat die skietery veroorsaak het nie.

Hy sê inwoners van die gebied het die owerhede van die geweld in kennis gestel.

Geen ander inligting is tot dusver bekendgestel nie.

Volg Nuus24 op Twitter.

- Sapa - AP