Selfmoorde oor Tibet neem toe

2012-11-27 12:32

Beijing – Nóg vier Tibettane het hulle uit protes teen die Chinese regering se hantering van Tibet aan die brand gesteek.

Meer as 20 Tibettane het hulle die afgelope maand aan die brand gesteek in soortgelyke voorvalle.

Drie van die vier mense is Maandag dood.

“Ons kry nou amper daagliks berigte dat mense hulle uit protes aan die brand steek,” het Stephanie Brigden, direkteur van die Free Tibet-groep, gesê.

Volgens die Amerikaans-gebaseerde Radio Free Tibet het 21 mense hulle al dié maand aan die brand gesteek.

Altesaam 85 Tibettane, baie van hulle monnike en nonne, het hulle sedert Februarie 2009 in China aan die brand gesteek.

Die meeste van die 85 voorvalle was noodlottig, het die menseregtegroep gesê.

– Volg Nuus24 op Twitter
 

- Sapa - AFP