Selfmoord in tronke neem toe
2009-08-18 22:21
Orleans, Frankryk – Die oorvol tronke in Frankryk word nou toegerus om selfmoordpogings te voorkom.
Dít kom nadat 81 gevangenes reeds sedert die begin van die jaar selfmoord gepleeg het. Die tronke in Frankryk kan sowat 51 000 kriminele aanhou, maar huisves op hierdie tydstip reeds meer as 62 000, berig die plaaslike regering.
Die International Prison Observatory meen egter dat die sterftesyfer dalk reeds op 88 kan staan. Volgens hulle is hierdie syfer “kommerwekkend”.
Die nuutste strategie vereis dat gevangenes wat as hoë-risiko gevalle geïdentifiseer word van spesiale bedlinne en papier slaapklere voorsien word. Die regering hoop dat dit sal verhoed dat gevangenes hulle self in ‘n hul selle ophang.
Tronkbewaarders sal ook opgelei word om moontlike risiko-gevalle te identifiseer. Nuwelinge in die tronk sal ook berading ontvang.
Selfmoorde in tronke in Frankryk styg reeds sedert 2007 toe sowat 96 gevangenes hulle eie lewens geneem het. In 2008 het die syfer op 115 gestaan.
- AFP