Seksuele mishandeling by weermagakademie in Aus
2011-11-03 15:32
Sydney – Ondersoeke in die hantering van vroue by Australië se voorste militêre kollege het Donderdag getoon dat daar “wydverspreide laevlak seksuele teistering” plaasvind.
Dit volg ná ‘n seksskandaal wat op die internet uitgesaai is.
Elizabeth Broderick, die kommissaris van menseregte, sê daar is ‘n kultuur waar vroue “akkommodeer” word, eerder as om hulle as gelykes by die Australiese weermag-akedemie (ADFA) in te sluit.
Broderick is gevra om die hantering van vroue by die ADFA te ondersoek nadat beeldmateriaal van ‘n vroulike kadet wat seks het met ‘n manlike kollega sonder haar wete op die internet uitgesaai is vir ander klasmaats om te kyk.
Die ondersoek het getoon dat die kultuur aansienlik verbeter het sedert die laaste groot ondersoek in seksuele mishandeling by die kollege in 1998, maar Broderick het bygevoeg dat daar nog ‘n lang pad is in die proses om geslagsongelykhede aan te spreek.
“Ons ondersoek het ook gevind dat daar wydverspreide seksuele mishandeling op laevlak is; onvoldoende vlakke van toesig, veral vir eerste jaar kadette; ‘n omgewing van gelykheid en diversiteit wat gekenmerk word aan straf, eerder as aan deelname; en ‘n klagteproses wat lomp is,” het Broderick geskryf.
Volgens een kadet was daar “’n sterk kultuur waar vroue as items beskou word, veral as seksuele objekte” by ADFA, met vroue wat “gereeld na ure behandel word as ‘n ‘speletjie’, eerder as gerespekteerde kollegas.”
“Vroulike kadette word gereeld deur manlike kadette geteister en hierdie tipe aksies is bloot deel van die kultuur by ADFA,” het die kadet gesê.
Brodering het gesê ADFA moet die “beste talent wat Australië het om te bied gebruik” en dit “vereis dat vroue nie net bestuur en geakkommodeer moet word nie, maar ten volle ingesluit moet word.”
– Volg Nuus24 op Twitter
- Sapa - AFP
