Scotland Yard verbied sigbare tatoeëermerke

2012-10-17 13:09

Londen – Die Londense speurdiens Scotland Yard het sy beamptes verbied om sigbare tatoeëermerke te kry, omdat dit die professionele beeld van die eenheid skaad.

Scotland Yard het Woensdag in 'n verklaring bevestig dat beamptes nie meer toegelaat sal word om tatoeëermerke op hul gesig en hande te kry nie. Tatoeëermerke wat bo die kraag uitsteek, word ook nie toegelaat nie en alle ander tatoeëermerke moet bedek wees.

Die speurdiens het gesê beamptes wat reeds sigbare tatoeëermerke het, sal vereis word om dié tatoeëermerke voor 12 November skriftelik by hul bestuurders te "registreer". Indien beamptes nie die tatoeëermerke "registreer" nie, sal tugstappe vir wangedrag teen hulle gedoen word.

Scotland Yard het voorheen tatoeëermerke wat beledigend is, of gesien kan word as gewelddadig of intimiderend, verbied.

– Volg Nuus24 op Twitter

- Sapa - AP