Scotland Yard skors agt oor rassisme

2012-04-06 19:06

Londen – Scotland Yard sê ‘n totaal van agt polisiebeamptes is geskors te midde van nuwe aantygings van rassisme in die polisiediens.

Brittanje se grootste polisiediens het Vrydag gesê 10 nuwe rasverwante klagtes word hanteer, insluitende ‘n bewering dat ‘n beampte ‘n rassistiese belediging gemaak het toe hy verlede Augustus ‘n swart man in hegtenis geneem het in die nadraai van Engeland se onluste.

Adjunk-kommissaris Craig Mackey het gesê 20 beamptes word ondersoek deur die land se polisie-waghond en het beklemtoon dat Scotland Yard “nie rassisme duld nie”.

Die polisie in Londen probeer al lank aantygings van rassisme takel.

‘n Groot verslag wat aangevra is ná die dood van ‘n jong swart tiener in 1993 het tot die gevolgtrekking gekom dat Scotland Yard “institusioneel rassisties” en vyandig teenoor Londen se swart gemeenskap is.

- Volg Nuus24 op Twitter
 

- Sapa - AP