Scotland Yard het glo kinders se identiteite 'gesteel'

2013-02-04 18:00

Londen – Die Londense speurdiens Scotland Yard het die identiteite van sowat 80 dooie kinders gebruik en het vals dokumente onder hul name uitgereik vir die gebruik vir geheime offisiere, het die Guardian Sondag berig.

Die speurdiens het glo die praktyk vir meer as 30 jaar lank gemagtig sonder om die dooie kinders se ouers in kennis te stel sodat geheime amptenare makliker misdaadgroepe kon infiltreer.

Die kinders se name is glo op dokumente soos paspoorte en bestuurslisensies gebruik.

Party amptenare het glo langer as ‘n dekade die identiteite gebruik.

Scotland Yard het gesê dat nie tans die praktyk goedkeur nie en het gesê 'n ondersoek na "vorige voorvalle" sal geloods word na.

Keith Vaz, voorsitter van die Britse parlement se kommittee van Binnelandse Sake, het die praktyk as grusaam beskryf.

“Dit is absoluut skokkend,” het Vaz aan die Guardian gesê.

Een anonieme amptenaar, wat die identiteit van Pete Black gebruik het toe hy sekere groepe moes infiltreer, het aan die koerant gesê dat dit voel of hy op die seun se graf trap.

‘n Ander offisier het weer gevoel dat die praktyk geregverdig kan word omdat dit vir die “groter goedheid” gedoen was.

Die Guardian het berig dat hulle ‘n dokument het wat wys dat sowat 80 amptenare die dooie kinders se identiteite tussen 1968 en 1994 gebruik het.

– Volg Nuus24 op Twitter

- Sapa - AFP