Sarkozy-skandaal: Minister ontken kwaaddoenery
2010-07-30 04:56
Parys – Die Franse polisie het Donderdag ‘n kabinetminister agt uur lank ondervra tydens hul ondersoek oor bewerings dat Frankryk se rykste vrou onwettiglik president Nicolas Sarkozy se verkiesingsveldtog befonds het, het beamptes gesê.
Eric Woerth, minister van arbeid, is deur speurders ondervra wat deel vorm van hul ondersoeke van finansiële skandale rondom Liliane Bettencourt, 'n erfgenaam van L'Oreal.
Nadat dié skandaal uitgebreek het, het Claire Thibout, ‘n voormalige boekhouer van Bettencourt, die polisie vertel dat Bettencourt onwettige skenkings aan Woerth en aan Sarkozy se 2007 verkiesingsveldtog gemaak het.
Woerth het alle kwaaddoenery ontken.
Volg Nuus24 op Twitter.
- Sapa - AFP