Sarkozy gaan voort met pensioen-verandering
2010-09-08 18:30
Parys - Die Franse president Nicolas Sarkozy sê hy gaan voort met sy betwiste verandering van die land se pensioenstelsel, ten spyte van 'n staking en grootskaalse betogings wat meer as 'n miljoen mense die strate laat invaar het.
Sarkozy het gesê dit is "buite die kwessie" om nou die plan om die aftree-ouderdom van 60 na 62 te verander, te laat vaar.
Die konserwatiewe Franse leier sê die regering is op kleiner punte bereid om te onderhandel, insluitend oor maatreëls vir mense wat in poste is wat moeilike fisiese werk vereis.
Die regering dring daarop aan dat die verhoogde aftee-ouderom nodig is sodat die gelddreinerende stelsel teen 2018 gelyk kan wees.
Volg Nuus24 op Twitter
- AP