Sak vol plofstof op straat in Denemarke gevind

2012-09-17 14:28

Kopenhagen – 'n Sak vol plofstof is vroeg Maandag in 'n straat in die Deense hoofstad Kopenhagen gevind. \

Bomspesialiste is besig om die oorsprong daarvan te bepaal.

Die polisie het die straat in die Sydhavn-distrik van Kopenhagen afgesper nadat die sak deur 'n verbyganger raakgesien is. Snuffelhonde het die omgewing vir nog plofstof deursoek.

"Daar is iets wat aandui dat die plofstof 'n militêre oorsprong het," het Henrik Jakobsen, adj.hoofsupt., gesê.

"Spesialiste is besig om die plofstof te ontleed, terwyl die polisie probeer vasstel hoe dit in die middel van 'n straat in Kopenhagen beland het," het hy gesê.

– Volg Nuus24 op Twitter.

- Reuters