SA man sterf in Australiese wildernis

2012-11-07 12:10

Sydney – 'n 25-jarige man is dood en sy kollega sterk aan in die hospitaal nadat hulle in uiterste hitte in die sogenaamde Australiese wildernis vasgekeer is.

Mauritz Pieterse en sy 30-jarige kollega was besig met 'n roetine inspeksie in die Simpson-woestyn toe hulle met 'n viertrek-voertuig in sand vasgeval het.

Die kwik het tot 45°C gestyg en hulle kon nie die voertuig uit die sand kry nie, toe hulle probeer het om 16 km na veiligheid te stap.

Pieterse het 'n paar kilometer vanaf die landboustasie in die suidweste van Queensland, waar hy gewerk het, inmekaargesak. Sy kollega is in 'n kritieke toestand gevind en per helikopter na veiligheid geneem nadat hy deur inwoners van 'n naburige eiendom gevind is.

"Toe hulle gevind is, het hulle te min water gehad en dit het veroorsaak dat hulle vinnig dehidreer," het Paul Biggin, polisiewoordvoerder, gesê.

Biggin het 'n beroep op inwoners gedoen om seker te maak hulle het genoeg water en 'n kommunikasiemiddel het wanneer hulle werk of reis.

– Volg Nuus24 op Twitter

- Sapa - AFP