SA man sit lewenslank vir moord in Brittanje

2011-11-16 09:06

Kaapstad – ‘n Suid-Afrikaanse man is in die Verenigde Koninkryk (VK) lewenslange tronkstraf opgelê nadat hy op aanklag van moord skuldig bevind is.

The Independent berig George Sithole (41) is daaraan skuldig bevind dat hy ‘n sesjarige meisie vermoor het deur haar familie se huis aan die brand te steek.

‘n Regter sê Sithole sal ‘n minimum van 17 jaar agter tralies deurbring vir die moord op Dumo Sibanda.

Sithole het die huis in West Sussex aan die brand gesteek nadat sy verhouding met ‘n vriendin van Sibanda se familie tot ‘n einde gekom het.

Lees meer hier

Volg Nuus24 op Twitter