Russiese vrou hou man se lyk drie jaar op bed

2012-11-20 13:58

Moskou – Russiese amptenare sê ‘n vrou met vyf kinders het haar man se lyk vir amper drie jaar in hulle woonstel gehou ná sy dood.

Aanklaers sê die vrou, wat ‘n rekord van geestesversteurings het, was so ontsteld na haar man se dood in 2009 dat sy geglo het dat hy enige oomblik weer uit die dood sal opstaan.

Die voorval word ondersoek ná die lyk in Julie in ‘n vullisblik gevind is.

Die vrou het die lyk glo op ‘n bed in ‘n kamer gehou. Sy het haar kinders gedwing om daarmee te praat en daarvoor kos te gee.

Twee van haar kinders het besluit om van die lyk ontslae te raak toe hulle na ‘n nuwe woonstel verhuis het.

– Volg Nuus24 op Twitter
 

- Sapa - AP