Rusland weier om Siriese rebelle te steun

2012-11-26 11:40

Moskou – Dmitry Medvedev, Rusland se premier, het Maandag gesê die ondersteuning van Siriese rebelle deur ander lande is onaanvaarbaar.

Birttanje en Frankryk het by Turkye aangesluit deur die nuutgevormde opposisie-koalisie te erken as die enigste verteenwoordiger van die Siriese burgers. Frankryk het ook voorgestel dat wapens aan die rebelle verskaf word.

“Uit die oogpunt van internasionale wette is dit total onaanvaarbaar,” het Medvedev vir AFP gesê voor ‘n beplande besoek aan Parys.

“Geen land kan stappe neem om verandering af te dwing in ‘n ander land of regering nie.”

“’n Begeerte om die regime van ‘n ander land te verander deur ‘n politieke mag te erken as die enigste verteenwoordiger is nie heeltemal beskaafd nie.”

Frankryk is die eerste Westerse land om die opposisie-koalisie te erken en is vinnig deur Brittanje, Italië en die res van die Europese Unie bygestaan.

– Volg Nuus24 op Twitter
 

- Sapa - AFP