Rusland se militêre mag erg korrup
2011-05-24 23:05
Moskou – ‘n Vyfde van Rusland se verdedigingsbegroting
word glo elke jaar deur korrupte amptenare en oneerlike generaals gesteel.
Rusland se hoof-militêre aanklaer het dié
aantygings in ‘n onderhoud wat Dinsdag gepubliseer is, gemaak.
President Dmitry Medvedev sê dat korrupsie
Rusland se ontwikkeling terughou, maar organisasies wat omkopery teenstaan, is
van mening dat die probleem erger geraak het vandat Medvedev in 2008 by Putin oorgeneem
het.
“Groot bedrae geld word gesteel, so te sê elke
vyfde roebel, en troepe kry steeds gereedskap en wapens wat nie van gehalte is
nie,” het Sergei Fridinsky, die hoof-militêre aanklaer, aan Rusland se
staatskoerant, die Rossiiskaya Gazeta, gesê.
Volg Nuus24 op Twitter.
- Reuters