Rooikruis dring aan om te weet of soldaat nog lewe
2011-06-23 20:00
Jerusalem – Die internasionale komitee van die Rooi Kruis
(ICRC) dring daarop aan dat ‘n Palestynse groep militante fisiese bewyse
oplewer dat sersant Gilad Shalit nog lewendig is.
Shalit, ‘n Israeliese soldaat,
is vyf jaar gelede deur Palestynse magte in hegtenis geneem.
Yves Daccord, die ICRC se direkteur-generaal,
het die feit dat hulle geen inligting oor hom kry nie as “totaal onaanvaarbaar”
beskryf.
Volgens die ICRC het Gaza se Hamas-leiers ‘n versoek dat hulle die gevangene kan besoek,
afgekeur.
Shalit is op die 25ste Junie 2006 deur Hamas-militante
gevang.
Sami Abu Zuhri, ‘n Hamas-woordvoerder, het die
Rooikruis daarvan beskuldig dat hulle deur die Israeliese intelligensie gebruik
word.
Hy het bygevoeg dat hulle Shalit sal vrylaat
in ruil vir die vrylating van ‘n aantal Palestynse gevangenes.
Volg Nuus24 op Twitter.
- AP