Rolprentmaker gaan nie na sy huis terugkeer
2012-09-16 08:46
Los Angeles – 'n Rolprentmaker wat met die film verbind word wat glo beledigend teenoor Islam is, het tydens 'n onderhoud aan wetstoepassingsbeamptes gesê hy gaan nie na sy huis terugkeer nie.
Nakoula Basseley Nakoula (55) is vir ongeveer 'n halfuur deur beamptes in sy tuisdorp Cerritos, Kalifornië ondervra, het Steve Whitmore, woordvoerder vir die polisie in Los Angeles, gesê.
Nadat hy ondervra is, het beamptes Nakoula na 'n onbekende plek geneem.
"Hy is weg. Ons weet nie waarheen hy gegaan het nie," het Whitmore said.
"Hy het gesê hy gaan nie terug na sy huis nie."
Polisiebeamptes is besig om vas te stel of Nakoula, wat skuldig bevind is aan finansiële misdrywe, die voorwaardes van sy voorwaardelike vrylating verbreek het. Indien daar bevind word dat hy dit verbreek het, kan hy terug tronk toe gestuur word.
Nakoula het vrywilliglik na die polisiestasie gegaan.
Volgens beamptes is Nakoula die sleutelfiguur agter die film Innocence of Muslims wat glo beledigend teenoor Islam en die profeet Mohammed is.
Hy het vroeër erken hy het die 14 minute van die film op die internet gelaai en oorweeg dit om die hele film bekend te stel.
Die film het veroorsaak dat verskeie Amerikaanse ambassades regoor die Midde-Ooste aangeval is.
'n Groot gedeelte van die film is in Amerika geskiet.
– Volg Nuus24 op Twitter.
- Sapa - AP
