Rio: Dodetal styg na 6

2012-01-27 22:11

Rio de Janeiro – Die dodetal in Rio de Janeiro het tot ses gestyg nadat drie geboue, waarvan een 20 verdiepings hoog was, ineengestort het, het brandbestryders Vrydag gesê

Minstens 20 mense is steeds vermis nadat die gebou laat Woensdagmiddag ineengestort het.

Reddingswerkers was Vrydag steeds besig om deur die puin te gaan op soek na oorlewendes.

Volgens die plaaslike media het kol. Sergio Simoes van die burgerlike verdediging gesê dat reddingspogings nog vir 48 uur sal voortgaan.

– Volg Nuus24 op Twitter.

- Sapa - AFP