Regter wat dogter slaan, geskors
2011-11-23 11:02
Mcallen, Texas – Die hooggeregshof in Texas het Dinsdag ‘n regter geskors nadat dit onlangs uitgekom het dat hy sy dogter in 2004, toe sy nog ‘n tiener was, geslaan het.
‘n Video van die mishandeling is op die internet geplaas en is miljoene kere gekyk.
Regter William Adams van Arkansas is onmiddellik geskors hangende die uitslag van die ondersoek wat vroeër die maand deur die staatskommissie begin is, het ‘n hofbevel wat Dinsdag deur die klerk van die staat se hoogste hof geteken is, getoon.
Die hofbevel stel dit duidelik dat, alhoewel Adams ingestem het tot die kommissie se aanbevole tydelike skorsing en die verhoor- en waarskuwingsperiode laat vaar het, hy nie “skuld, fout of oortreding” erken het nie.
Sy prokureur was nie beskikbaar tydens ‘n oproep van die Associated Press om kommentaar te lewer nie.
Adams se dogter, Hillary Adams, wat nou 23 is, het die video wat sy skelm in 2004 opgeneem het terwyl haar pa haar herhaaldelik met ‘n gordel slaan omdat sy materiaal onwettig van die internet afgelaai het, op die internet geplaas.
Die video is meer as ses miljoen keer op YouTube gekyk. (Waarskuwing: Sensitiewe kykers kan die beeldmateriaal ontstellend vind.)
– Volg Nuus24 op Twitter
- Sapa - AP