Regse netwerk in Oostenryk oopgevlek

2013-01-24 15:23

Wene – Die polisie in Wene, Oostenryk het op ‘n netwerk van regse ekstremiste wat by tientalle misdade betrokke was, toegeslaan.

Altesaam 10 verdagtes word vir ondervraging aangehou.

Die groep het minstens 200 lede in die Opper-Oostenryk-provinsie en word verdink van onwettige wapenhandel, inbrake, onwettige prostitusie en ander misdade.

Die polisie het Donderdag in ‘n verklaring gesê hulle het wapens, plofstof en vlae met Nazi-simbole en neo-Nazi-literatuur gevind in ‘n onlangse klopjag by die groep se hoofkwartiere in Desslbrunn, sowat 200 km wes van Wene.

Hulle sê skade van die misdade wat die groep gepleeg het, beloop minstens £3,5 miljoen (R42 miljoen).

Die polisie het volgens die uitsaaier IRF aanvanklik 24 verdagtes vasgetrek.

– Volg Nuus24 op Twitter

- Sapa - AP