Reeksmoordenaar moet sterf, sê jurie
2011-08-10 23:24
Cleveland – ‘n Jurie het voorgestel dat ‘n reeksmoordenaar wat die oorskot van 11 vroue in sy huis weggesteek het, die doodstraf opgelê moet word.
Anthony Sowell (51) is op 22 Julie skuldig
bevind op 11 aanklagtes van moord.
Dit het die jurie minder as ‘n dag geneem om
tot ‘n besluit te kom.
Hul ander opsie was lewenslange tronkstraf
sonder die opsie van parool.
Regter Dick Ambrose sal die finale uitspraak
maak en die vonnis op ‘n latere stadium bekend maak.
Volgens aanklaers het Sowell verslaafde vroue
drank en dwelms aangebied en hul só na sy huis gelok.
Volg Nuus24 op Twitter.
- Sapa - AFP