Rebelle sterf in Turkse polisieklopjag

2011-12-31 22:00

Istanboel – Turkse mediabronne sê twee vermeende Koerdiese rebelle is dood nadat die polisie ‘n klopjag in die suidooste van Turkye uitgevoer het.

Die klopjag kom te midde van verhoogde spanning weens ‘n mislukte militêre klopjag waarin 35 burgerlikes gesterf het.

Die nuusagentskap Anadolu sê die rebelle is Saterdag dood nadat hulle geweier het om hulself aan die polisie oor te gee. Die vermeende rebelle het handgranate na die polisiebeamptes gegooi terwyl hulle die verdagtes se skuilplek in die stad Diyarbakir omring het.

Die agentskap sê ‘n skietery het uitgebreek.

Volgens Anadolu is die verdagtes dood nadat hulle uit die gebou se vensters gespring het.

Die klopjag kom ná ‘n militêre lugaanval wat Koerdiese rebelle geteiken het, maar ‘n groep burgerlikes getref het.

Volg Nuus24 op Twitter

- Sapa - AP