Rebelle skiet tienersusters dood

2011-02-01 13:57

Srinagar – Vermeende militante het twee tienersusters doodgeskiet nadat hulle die meisies uit hul huis in Sopore, Kasjmir, gesleep het, het polisie Dinsdag gesê.

Volgens supt. Altaf Ahmed het drie gewapende mans Maandagaand by ‘n huis in die Moslem-gebied van Sopore ingeloop en die susters (17 en 19 jaar oud) gegryp.

“Die meisies is later naby ‘n Moslem-altaar deur militante doodgeskiet...” het Ahmad gesê. Die altaar is sowat ‘n halwe kilometer van hul huis geleë.

Volgens Ahmed is dit onduidelik hoekom die meisies geskiet is. Geen groep het tot dusver verantwoordelikheid vir die voorval aanvaar nie.

Volg Nuus24 op Twitter.
 

- Sapa-DPA