Radiostasie wil verpleegster se gesin vergoed
2012-12-11 15:30
Londen – Die radiostasie wat verantwoordelik is vir fopoproep wat gelei het tot die selfmoord van ‘n verpleegster, het 'n fonds gestig vir haar gesin.
Jacintha Saldanha, ‘n ma van twee, het die telefoon geantwoord toe die omroepers, Mel Greig en Michael Christian, die stem van Koningin Elizabeth II en Prins Charles nagemaak het. Saldanha het die telefoon aan 'n kollega gegee, wat die inligting oor die hertogin van Cambridge, Catherine, se gesondheid aan hulle verskaf het.
Southern Cross Austereo, die eienaars van 2Day FM, het gesê dat res van die wins vir 2012 na ‘n fonds moet gaan ten bate van Saldanha se familie, het Sky News berig.
Daar word verwag dat die wins sowat A$500,000 (sowat R4,5 miljoen) sal beloop.
Die radiostasie het ook hul Kers-partytjie gekanselleer en gesê dit sou onvanpas wees om met feesvieringe voort te gaan en dat hul eerder die geld aan ‘n liefdadigheid sal skenk.
Lees hier meer
– Volg Nuus24 op Twitter
